MADHARA YA MOSHI WA MKAA.
Kulala na mkaa ukiwaka chumbani kunaweza kusababisha madhara makubwa kiafya kutokana na sumu inayotolewa na mkaa unapochomwa. Hii ni hatari sana kwa sababu mkaa unapowaka, husababisha uzalishaji wa kaboni monoksidi (CO) ambayo ni gesi yenye sumu. Kaboni monoksidi inaweza kuingia kwenye mwili kupitia upumuaji na kuunganika na chembechembe za damu, hivyo kupunguza uwezo wa damu kusafirisha oksijeni mwilini. Kwa viwango vikubwa, hii inaweza kusababisha madhara makubwa ikiwemo kifo.
Aidha, moshi unaotolewa na mkaa unapochomwa pia una chembechembe ndogo ambazo zinaweza kuleta athari katika njia ya hewa na mapafu. Hii inaweza kusababisha matatizo ya kupumua, magonjwa ya njia ya hewa, pumu, saratani ya mapafu, au hata matatizo wakati wa ujauzito ikiwemo watoto wenye uzito mdogo wanapozaliwa.
Kutokana na tukio la watu wawili kufariki baada ya kulala na jiko la mkaa chumbani katika Mkoa wa Njombe, ni muhimu kutambua kwamba matumizi ya mkaa ndani ya chumba cha kulala ni hatari sana. Inashauriwa kutumia njia nyingine za kukabiliana na baridi badala ya kutumia moto wa mkaa ndani ya nyumba ili kuepuka madhara yanayoweza kutokea.
ZINGATIA HIIIII......
Uploaded files:- You need to login to have access to uploads.