Faida 8 za kunywa maji asubuhi
Kunywa maji asubuhi kuna faida nyingi kiafya. Hivyo hakikisha unakunywa glasi 1-2 za maji ya vuguvugu mara tu baada ya kuamka.
Subiri dakika 30 kabla ya kusnza kula kifungua kinywa.
Hizi ni baadhi ya faida za kunywa maji asubuhi;
1. Kuondoa Sumu Mwilini
Kunywa maji asubuhi kabla ya kula chochote husaidia kusafisha mwili kwa kuondoa sumu kupitia mkojo na jasho.
2. Kuchochea Mfumo wa Mmeng'enyo
Husaidia kuanzisha mfumo wa mmeng'enyo wa chakula (digestion) na kuandaa tumbo kwa ajili ya mlo wa siku.
3. Kuboresha Mzunguko wa Damu
Maji husaidia damu kuzunguka vizuri mwilini, hivyo kuboresha afya ya moyo na ubongo.
4. Kulainisha Ngozi
Husaidia kutoa sumu zinazoweza kuathiri ngozi na kufanya ngozi ionekane safi na yenye afya.
5. Kuimarisha Kinga ya Mwili
Kuongeza unyevu mwilini kunasaidia mfumo wa kinga kufanya kazi vizuri na kupambana na magonjwa.
6. Kupunguza Uzito
Kunywa maji asubuhi kunasaidia kuongeza kiwango cha uchomaji wa kalori (metabolism), hivyo kusaidia kupunguza uzito.
7. Kuzuia Tatizo la Kukosa Choo
Maji asubuhi yanasaidia kulainisha mfumo wa chakula na kuzuia matatizo kama kuvimbiwa.
8. Kuongeza Nguvu na Uhai
Kunywa maji hufanya mwili kuhisi mchangamfu, huondoa uchovu, na kuongeza nguvu ya kufanya kazi siku nzima na ndiomana tunasema maji ni uhai
Hakikisha unakunywa maji safi na salama ili kupata faida hizi kikamilifu.